Top 10 Asawa Qualities


Ituloy ang kaadikan sa paglilista...
Halina at sumama sa paghahanap ng ideal lifetime partner.

Ang mga sumusunod ay ilan sa mga qualities na dapat hanapin sa isang mapapangasawa:
 (Oh Yes! Asawa agad dahil doon naman dapat mapunta ang lahat.)

1. May Hitsura
Chismis lang na mas importante ang kalooban kaysa panlabas dahil ang mga certified chaka lang ang may ganitong kalakaran pagdating sa pag-ibig. Mas masarap ang kiss muna bago pikit at hindi pikit muna bago kiss (dahil sa hindi masikmurang hilatsa ng pagmumukha ng iyong kabiyak). Sapat na ang presentable or average looking for as long as walang taglay na sumpa sa genes na pwedeng maipamana sa mga kawawang offsprings.

2. May Pera
Magkaiba ang charity at pag-aasawa. Ang pagtulong ng walang hinihinging kapalit ay katangahan at hindi pagmamahal kung i-a-apply sa pag-aasawa. Hindi requirement na mayaman pero dapat marunong tumayo sa sariling paa. Paano na kung ma-tegi ka ng maaga? Paano ang future ng mga kids? Dapat marunong dumiskarte at may kakayanang kumita para mas give and take rin. Bawal ang financial abuse sa relationship. Hindi ka kabuhayan showcase!

3. May Pangarap
Ang taong nga-nga sa buhay ay walang mararating. Competitive ang market so kung hindi sapat ang kung ano ang meron sa kasalukuyan, daanin sa matayog na pangarap na magsisilbing inspirasyon upang makamit ang magandang hinaharap. Ang pangarap ay walang silbi kung hindi inaaksyunan so dapat galaw-galaw rin. Basta dapat may pangarap at hindi madaling makuntento! Hindi complacent. Ganyan. 'Wag mag-asawa ng taong wala kahit ni isang pirasong pangarap. No!

4. May Sense
Ang 'slowly but surely'ay magandang pamantayan sa maraming real life tasks pero hindi sa paghahanap ng best candidate for a lifetime partner. Meaning, ang taong slow ay hindi kailanman maaaring maging 100% sure choice. Ang pagkapurol at pagkasabaw ay namamana so habang maaga, never settle with someone with no sense at all kahit pa perfect ang looks o body. Lilipas at kukupas din ang mga yan pero hindi ang smartness at sensibility. 

5. May Balls
'Pag balls, bayag agad? At 'pag bayag, bastos agad? Hindi ba pwedeng 'paninindigan' ang ibig ipa-kahulugan? Pwede naman.
Mahalagang may sariling paninindigan ang katipan. Hindi lang sunud-sunuran. Eh 'di sana nag-alaga ka na lang ng puppy. Maraming challenges and decision makings na magaganap sa buhay may asawa kaya mas maayos kung magkatuwang kayong mag-iisip ng powerful formula to iron out ang anumang gusot. Piliin ang taong may boses at firm sa decision lalo na kung para naman sa ikagagaan ng mga bagay-bagay.

6.May Respeto
Hindi lang 'Po at Opo' o ang superb sweetness ang tunay na sukatan ng pagiging magalang. Dapat walang tapakan ng human rights. Hindi mapisikal. Hindi mapang-verbal. Hindi potential murderer. Ito ang mga super important characteristics ng prospective asawa. To be sure, i-check ang Police at NBI Clearance bago makipag-commit. Ang respetong taglay ay dapat nasa isip, salita at gawa. Kung bofriend-girlfriend pa lang ay kakikitaan na ng kabastusan sa'yo o sa iba, alam na! Ekisin na 'yan agad-agad.

7. May Consistency
Sino ang gustong makapag-asawa ng Bipolar? Wala. Kailangang maging observant bago pa man ang pakikipagtaling puso. Marami ang mapagpanggap at eng-eng na pa-impress during 'Dating Stage'. Kaya nga maraming naghihiwalay sa tuwing nagkakaalaman ng tunay na kulay at tunay na asim sa katawan. Kung bet na i-dedma ang katangiang ito, be equipped with undying patience at tibay ng sikmura. 
Make sure to be with someone who's not perfect but consistently genuine. 

8. May Performance
Hindi sapat ang salita. Performance matters. Kahit sa sex na importanteng sangkap sa relasyon, ang lahat ng kakulangan ay mapagtatakpan kung performance level. Ayaw ko ng palawigin at baka kung saan pa mapunta.

9. May Arte
Ang labis na kaartehan ay hind lang nakakapikon, nakakabanas din. Pero sa married life, mahalaga rin na may arte ang iyong mapapangasawa, ibig sabihin lang, pasado ka sa standard ng pag-iinarte niya. At since ikaw na ang napiling ka-isang dibdib, dapat lang na ituloy niya ang arteng meron siya in terms of pagtikim ng ibang putahe. Hindi dapat 'yung subo lang ng subo ng nakahain. Kung bawal kainin, hind dapat kinakain. Dapat may arte na ikaw lang ang tunay na makapagbibigay ng tunay na lasang kanyang hinahanap-hanap. Gets?

10. May Magic Sarap
Ay asus! Hindi madaling maghanap ng kumpletong sangkap para ma-achieve ang complete happiness sa married life. Hindi madali pero hindi siya gaya ng nangyayari sa Balete Drive na isang urban legend. Nangyayari naman ang forever after sa tunay na buhay. Kaya nga sa kabila ng mahabang listahan ng qualities of an ideal partner, most important ang item na ito. Ano ang Magic Sarap? Ito ang katangiang kayang ibasura ang previously mentioned items dahil sa taglay niyang Magic at Sarap. 'Yung tipo bang, you feel that everything is perfect when you are with that person. Wala siyang kumpletong qualities na hanap mo pero kaya niyang paikutin ang iyong mundo. Nasa kanya ang hindi maipaliwanagang na sarap sa lahat ng anggulo.
Eeeeeehhhh... I can't explain lang pero for sure marami ang relate na relate. 
Literally, hindi ko talaga maipaliwanag.

Help me out here. Would you?

Something Worth Reading


Kung 'di makuha sa post, daanin sa title.

Anung klaseng katha ang maaaring da best sa lahat ng uri ng readers?

Humor? Travel? Lifestyle? Food? Personal? Entertainment? Politics? Literary? Fiction? Non-Fiction? Photography? Art?

Ano nga?

Writers write and readers read. Malamang. 

Sino ngayon ang magpapasya kung ang ang isang post ay maganda at super pasok sa banga?

Tulad ng maraming bloggers na umaasa sa kung ano ang nararamdaman o iniisip, ganun din ako.

I aim to inform, educate at kung suswertehin, entertain na rin.

Hindi madali. Nariyan ang maya't-mayang panggagambala ng kapangyarihang itim na walang ibang idinudulot kung hindi kawalan at sandamakmak na patlang. Writer's block kumbaga. Partida pa, hindi pa ako bonafide writer nito ha.

Pinilit kong panlabanan pero hindi kinaya ng powers ko. Sabaw na malabnaw pa rin ang laman ng overweight kong braincells. 

WHATSTHEMEANINGOFTHIS???

This calls for a rest. 'Yun bang pahinga muna ng sandaling panahon upang ma-reset ang pagnanais na makapagbahagi ng ilang kaisipang may sustansya. May laman. Kung gaano katagal, hindi ko alam...

Few days? Weeks? Months? Bahala na si Batman...

I will be in a quest to finding ways to come up with something different this time.

Something worth reading...

RESBAK ng Pa-Konyong Iskwater



If people are annoyed with my Taglish way of speaking,
I will just ask them to make listen to the point I'm making.

If people will get mad at me 'coz they think I'm pa-artsy,
I will just try not to be so affected 'coz it's the real me.

If people make friends with me and will just make gamit,
I will just avoid them 'coz that attitude is really pangit.

If people create chismis na super gawa-gawa or imbento,
I will just tell them it's untrue like it's very, very not totoo.

If people think I'm  so dumb and that my thoughts are patapon,
I will just tell them they're wrong but I will not give them reason.

If people hate me for being overly madaldal,
I will just be polite and will never make angal.

If people make more pintas of me 'coz of my imperfection,
I will just ask them to see the mirror and check their reflection.

If people are not listening to me kahit my point is so bright,
I will just insist they're wrong and that sometimes I'm right.

If people judge me kasi they really do not like my personality,
I will just remind them of respect and of a thing called diversity.





KUNDIMAN ng Kulang-Kulang


Kung 'di man magaling na photographer,
Maging astig na adobe photoshopper.

Kung 'di man professional singer,
Mag-videoke pero silent speaker.

Kung 'di man graceful dancer,
Daanin sa da moves like jagger.

Kung 'di man sexy at gifted ang body,
Be sporty and forever healthy.

Kung 'di man filthy rich o wealthy,
Magsikap at mag-invest intellectually.

Kung 'di man fluent english speaker,
Mag-aral at for sure you'll be better.

Kung 'di man smooth at flawless,
Ok lang kung always fresh.

Kung 'di man graduate sa exclusive school,
Keri lang basta ugali ay cool.

Kung 'di man ikaw ang laging most favorite,
Ayos lang 'pag may confidence and wit.

Kung 'di man so expensive ang clothes,
Pumormang facionista with ala-model pose.

Kung 'di man own ng mamahaling kotse,
Chill-chill lang sa Taxi, FX or Jeepney.

Kung 'di man bright or naturally brainy,
Be wais sa great na diskartee (pinilit mag-rhyme).

Kung 'di man IN sa famous cellphone.
Basta friendly and hindi alone.

Kung 'di man pretty or uberly handsome,
Good personality is the best charm.

Kung 'di man born na good writer,
Mag-online and be a blogger.

Iskwater Simbol



Dahil dugong Iskwater, kailan ko lamang nalaman ang kahulugan ng status symbol. 

Biro mo, ito pala 'yung pagkakaroon ng ilang mga bagay o pag-aari na pwedeng i-connect sa iyong pagiging 'may sinasabi' o high class sa lipunan.

Kaya naman pala ganun na lang ang pagkapatay-gutom ng ilan makasabay lang sa uso. Gusto nilang maipamukhang sila na... Sila na ang mayaman at sosyal.

Ang mga susmusunod ay pinaghalong mga makabago at walang kupas na Status Symbol:

  1. Kape-kape sa Mamahaling Coffee Shop
  2. Spokening Dollar with Rising Intonation Twang
  3. Lumaki sa Aircon
  4. Membership sa Uber Popular Gym
  5. Malling sa mga Sikat na Malls na hindi penetrated ng Masa 
  6. Having Expensive Gadgets - Apple Brands pataas
  7. Photography as a hobby with DSLR
  8. More Watch ng Broadway Musical from time to time
  9. Updated sa Hollywood, International Sports and Politics
  10. Signature Clothes & Bags
  11. Keri ang Shopping Anytime
  12. Collection of something Expensive like anything Vintage
  13. Able to see Concerts ng mga sikat at international artists
  14. Mabakal na ngiti Courtesy of Teeth Braces
  15. Afford ang Cosmetic Surgery
  16. Maya't-mayang Travel
  17. 6 Figures ang Monthly Salary
  18. Mamahaling Jewelry
  19. Owning a Car
  20. Condo Living
Naku ang sakit naman sa fallopian tube ng listahang ito. Kailangan kong manalo ng Jackpot sa Lotto ng walang kahati, maging Grand Winner ng isang Reality Search o Singing Contest para ma-achieve ang lahat. Hindi ako anak-mayaman o tagapagmana ng hacienda.

Kung ito ang sukatan, this only means na bagsak ako sa exam on Status Symbol dahil ako ay isang pangkaraniwan at praktikal na nilalang lamang. Hindi matipid at hindi rin magastos pero alam ang difference between luho at necessity.

For as long as I have the three basics (Shelter, Food and Clothing), okay na ako.

After this post, hindi ko pa rin lubos na gamay ang kalakaran tungkol sa Status Symbol.
I therefore conclude na walang puwang sa ganito ang mga taga-looban kahit pa kami ay magpaandar ng wagas. 

Sa isang bagay ako sigurado - sa Iskwater Symbolssss.



Random Anyare Moments

Si Erap ay tatakbo bilang Mayor ng Maynila.
Anyare? Diba anak siya ng San Juan?

Dahil sa Sin Tax, mapapamura ka sa presyo ng alak at sigarilyo.
Anyare? Literal. Mapapamura ka ng "WTF?!?".

May namamagitan na kay Maja Salvador at Gerald Anderson.
Anyare? Diba, Best Friend ni Kim Chu si Maja? Bastusan?

Si Sen. Miriam at Sen. Enrile ay may bangayan sa senado.
Anyare? Gagawa ng batas o silipan ng butas?

Anabelle Rama is running for Congressman in Cebu.
Anyare? Lokohan na talaga? Trip-trip lang sa politics?

$1 is equals to Php40.57. All time high sa PNoy Administration.
Anyare? Nga-Nga ang mga OFWs, BPO Industry at ang Export Business?

Extended ang 'Be Careful With My Heart' ni Sir Chief at Maya.
Anyare? Malalampasan ang original Mara Clara?

National And Local Election sa darating na Mayo.
Anyare? Bakit uber dami na agad ang Campaign Ads? Excited?

Best Supporting Actress si Wilma Doesnt sa 2013 MMFF?
Anyare? Dinaig ang pa-sweet na si Nora Aunor sa El Presidente?

May laban muli si Pacquiao sa April.
Anyare? Ayaw makinig kay Aling Dionisia? Patayan Manny?

Nag-out na si Hollywood Actress Jodie Foster na siya ay Lesbiana.
Anyare? Bakit ngayon lang kung kelan wala ng karir?

Pasok ang pang-Beking Party List na Ladlad.
Anyare? Lagyan ng kabaklaan ang magulong pulitika. 

Hindi kumita ang muling pagpapalabas ng 'Himala' sa mga sinehan
Anyare? Walang Himala!!!

Piolo Pascual, itinangging siya ay bakla.
Anyare? Hindi siya aamin hangga't 'di umaamin si Kuya Germs?

Naglipana ang mga bloggers sa online world.
Anyare? Dumarami na ang mga may talento sa pagsusulat. Weh?

Ayaw ko sa Girls



What do I hate about girls?
Let me count the ways...

1. Emo All the Time
Bakit ba ang mga babae ay uber ang drama sa buhay? Nakakapikon lang. Kahit teleserye, pelikula, kanta o kahit song na walang kinalaman sa buhay nila, basta may perfectly sad musical score, lagi na lang teary eyes. Kadalasan wala pa sa lugar. Nandiyan 'yung pwede namang chill lang ang mood, sisirain at magpapaka-emo at babanat, "I am really happy you're here...". So, ano ang inaasahan nilang response? As always, siyempre contagious ang ganitong mood at ang lahat ay magpapaka- soap opera na, ma- compliment lang ang kaartehang wagas na ito. Again, dapat chill lang at once a year lang ang buhos ng emosyon!

2. Ke-aarte For Life
Halos lahat ng girls ay naka-subscribe sa UnliPampam. Mga papampam... Mga Papilit... Pa-demure... Pa-sweet... Lahat ng pag-iinarte sa lahat ng aspeto ng buhay nasa kanila na. Ang tagal mag-CR. Ano meron? Wala namang okasyon, naka-make-up. Adik sa shoes. Adik sa bags. Adik sa mga damit. Kahit anung estado sa buhay, uunahin pa ang kakikayan bago ang mga bagay na mas importante. Ganyan sila. Hindi nakakatuwa. Kahit sa pagsasalita, laging prolong ang mga words nila gaya ng, "Hiiiiiiiiii! Helloooooooo! Kumustaaaaaaahhhh! Eeeeeeehhhhh!" ( sabay hawi ng hair). Ang arte. 
Ewan ko ba sa kanila!

3. Daldalerang mga Palaka
Palibhasa dalawa bibig, walang kapantay ang tabil ng kanilang mga bunganga. Kahit walang hingahan. Kaya nila ang 1,034 words per minute. Kahit nasaang lugar. Office. FX. Mall. School. Basta pinagsama ang mga babaeng 'yan, walang katapusan ang mga kuda nila sa buhay. May habol pang mahabang text message 'pag naghiwalay. Argh. 

4. Claiming sa Equality
Haaaaayyy... Lagi na lang sinasabi ng mga Eva na dapat pantay-pantay ang pagtingin sa mga kalalakihan sa mga kababaihan. Kesyo kaya na nilang gawin ang mga kayang gawin ng mga lalaki. Pero 'pag nasa bus or any public place, 'pag ang lalaki hindi nagbigay ng upuan sa babae, hindi gentleman. Akala ko ba dapat equal? 'Wag humingi ng special treatment. May women's rights pang nalalaman. Kayo lang ba may mga karapatan? May Human Rights na nga, may ibang set pa para sa inyo? Sino ngayon ang unfair?

5. Pabago-bago ng Isip
Hindi na iba ang ganitong katangian ng mga babae. sa sobrang dami nilang sinasabi, wala silang isang salita. Hindi alam kung ano talaga ang gusto. Kahit sa hairstyle, hindi sure kung ano gusto. Sa isusuot, papalit-palit. Sa manicure, laging iba rin. Magulo lang. Magagalit tapos maya-maya, masaya na ulit. Para silang masarap na kape - mahirap timplahin.

6. Maraming Alam
Magandang katangian ang pagkakaroon ng wide range of knowledge lalo na kung mga trivial information or anything na kakapulutan ng aral. Pero walang kinalaman dito ang tinutukoy kong katangian ng mga kababaihan sa pagkakaroon ng maraming nalalaman. Naturally, ang mga babae ay mahilig mag-interpret ng mga kilos o kung hindi naman ay ang pagbibigay ng iba pang kahulugan sa mga sinasabi. Ayaw nila ng literal. Ang nakakairita, 'pag nakapag-conclude na sila, they stick to it kahit walang ebidensiya. May tinatawag pa silang women's intuition. May ganun. Mahilig silang gumawa ng sarili nilang multo na sila lang talaga ang natatakot. Andami lang alam, diba?

7. Aligagang Worrier
Hindi naman masama ang minsanang pag-aalala para sa hinaharap. Maganda namang napaghahandaan ang bukas. Huwag lang OA. Pwede namang i-enjoy ang present while preparing for tomorrow. Karamihan sa mga babae, laging future ang nasa isip. Nililigawan pa lang, iniisip na kung ano magiging hitsura ng maiging anak kung mapapangasawa ang manliligaw. Nagmamadali? Iisipin agad kung kaya ba silang buhayin. Patay ba sila? Labis ang worries nila kaya ang ending, aligaga. Hindi mapakali. Parang sinisilihan 'pag may kulang sa kung ano ang gusto nila. Again, chill lang.

Pito lang naman pala ang nasa AKING listahan.
Malamang na ang mga ito ay base sa mga karakter ng mga babaeng aking nakadaupangpalad and since hindi naman ito entry sa Wikipedia, hindi sila facts. Hindi rin ako hater ng mga kababaihan dahil I have a mother who I truly love. Awwww...

I can be wrong sa post na ito pero sa mundo ko, hindi man ako laging tama, lagi naman akong may point.

Sana...

Hallmark Moments of Joza Aguillera



Tunay kang mapalad na nilalang kung napapalibutan ka ng mga personalidad na effortless ang humor sa katawan. Sila 'yung may mga matatabang brain cells na uber witty at never na dull ang moments sa piling nila.

I am lucky to have several friends na tunay na may mga sapak sa ulo at nag-uumapaw ang kakengkoyan. 

Tulad ng isang matalik na kaibigan, clueless siya sa angking talento sa storytelling category. Napakahusay niyang magpangiti at magpatawa sa kanyang mga random status updates sa FezVook na tinawag niyang 'Hallmark Moments'. 

Pwamiz, lahat ng mga ito ay box office hits at pugad ng mga Likes at Comments.

Wala mang pahintulot sa kanya, nais kong ibahagi ang ilan bilang ebidensya sa kanyang kakayanang pwede ring ituring na kabaliwan.

Ipinakikilala...
Joza Aguillera

Ang mga sumusunod ay ilan sa kanyang mga random posts based on her real life experiences:

Gangster
January 09, 2013

Dahil sa seryoso ako sa pag-iipon this year, isa sa napagtritripan ko ngayun eh ang pag-iipon ng 10-peso coins. Ilalagay ko sa alkansya katulad ng ginagawa ng kapatid ko. Kaya nag-iinit ang mata ko sa mga 10-peso coins lately. Eh nakita ko ang wallet ng Tatay ko, binulatlat ko. At sakto, may isang 10-peso coin dun kaya hiningi ko kay Papa.

JOZA : Papa, akin nalang tong sampu mo ha?

PAPA : Hoy! Hoy! Hoy! Wag mo kunin yan. Wala na ko pera.

JOZA : Damot mo. Nakita ko andami mo pera dun eh. Para sampu lang 'to eh. Basta, akin na 'to.

PAPA : Ay nako! Akin yan! Ibigay mo nga saken yan!

JOZA: Ayoko nga. Akin na 'to! (Sabay hulug nung coin sa garapon ko)

PAPA : (Nagmomochong. May dabog pa!) Buwisit ka talaga! GANGSTER! . . Celia! Celia! Si Joza nga! Nang-GA-GANGSTER! Kinuha yung SINGKWENTA ko!

WOW! Sampu lang naging singkwenta? Tubung-lugaw lang ha. Sinu kaya GANGSTER ngayun? Hahahaha!
***


Model Student
December 29, 2012

Eto mainit-init pa! Pag-labas ko ng kwarto ko, nakita ko ang MAMA ko, tutuk na tutok sa mga resibo ng mga pinamili para sa maliit nameng tindahan. May hawak siyang ballpen at notebook! Nag-ma-manual compute ata ang kabuuang nagastos. Nang walang anu-ano eh biglang sumigaw: 

MAMA : May gas (as in, gas talaga sabi nya)! Ang sakit na utak ko! 

AKO : Baket ba?

MAMA : Ang hirap ng Mathematics eh!

AKO : Wow eh! Ina-add mo lang naman yung mga total nyang mga resibo wah? Iilan lang yan eh!

MAMA : Eh MODEL STUDENT kaya ako nung elementary!

AKO : O kaya nga! Edi chicken lang dapat sayo yan!

MAMA : Hello! Model Student nga lang ako nun! Yung PINAKA-NEAT at PINAKA-MAGANDA MAG-DALA NANG DAMIT!

AHAHAHA! Wow talaga eh! Model Student pala eh! Sakit sa bangs! Sa inyo na nga lang magulang ko. Hahaha!

Nayari nanaman ako ng Nanay ko nitong luma nyang punchline. Ilang beses nako nadali nyan. Hindi na ko natuto! Hindi kase ko Model Student! Hanobayan! Hahaha.
***

Afghanistan
December 16, 2012

Habang nanunuod kame ni Mama ng Eat Bulaga. Sa parteng Juan For All, sumasayaw si RYZZA ng CHA-CHA! Natawa ko sa itsura nung bata.

JOZA: Hahaha. Pauso talaga 'tong batang 'to! Hahaha.

MAMA: Ay oo naman. Yan nga kasabayan ng AFGHANISTAN eh.

JOZA: Huh? Anong AFGHANISTAN?

MAMA: Yung sinasayaw nyo ni Alvin lagi (pinsan kong 2years old).

JOZA: Ano yun?

MAMA: Yun ngang kinakanta mo tapus tumatalon lang si Alvin.

JOZA: Aaahh! GANGNAM STYLE!

MAMA: Yon! AFGHANI STYLE!

Ahahahay! Juicemio! Laugh Trip nanaman ako! Ang layo ng narating Korea to Afghanistan. Kakalurky!
***

Che-Che
December 14, 2012

Sa Bus Terminal ng Five Star sa Cubao. Inabutan ako ng tawag ng pantog. Pasok ako sa public CR. Wow! Box office. Habadabadoo ang Pilar Pilapil. Medyo badtrip nako at napakatagal nung nasa loob ng cubicle na pinipilahan ko. Nang walang anu-ano, may isang matandang lalake, around late 70s to early 80s ang edad ang bumungad sa may pinto. Pinigil ng maintenance officer ng CR sa kadahilanang pambabae yung pinapasok nya.

Maintenance: Ay Lolo, pambabae po ito. Dun po kayo sa kabila.

Lolo: Hinahanap ko lang apo ko! (Biglang sumigaw) Che-che! Che-che! Nandyan ka pa ba? San ka na? Che-che!

Totoo naman at nasa loob nga pala ang apo ni Lolo, si Che-che na kuntodo porma na parang regular na jejemon teen. Katulad ko, nakapila din.

CHE-CHE: (sa napakataray na tono) Nandito ko! Kitang ang haba ng pila eh! Maghintay nga kayo! Dun ka nga sa labas, 'Lo! (sabay ismid)

LOLO: Putragis, kanina ka pa dyan! Hindi ka pa rin ba NAKAKATAE? Ang tagal naman TAEHAN nyan! Dyaske naman! (sabay walk-out)

Laugh Trip tuloy ako! Hahaha! Binistong TATAE yung apo! Si Che-che kase eh, tinarayan si Lolo! Napala mo tuloy! Hahaha!
***

Capital 'T-H' Sound
October 24, 2012

Kabuskang nakakatawa tong kasakay ko sa van! 

Nung nag-abot ng bayad na buong 1K bill, sabi:

"Manong, isa lang yang Won-THaw-Sind huh!"

Pronouncing it with a thick Americant accent and giving exaggerated emphasis on the "TH" of THOUSAND. 

Katawa! Alam na alam kase tuloy na taga-call center! 
Kabuska kase pioneer akong maituturing ng industriyang to, pero not a single moment na nag-inarte ako sa pag-i-enunciate ng mga salita pag-wala ako sa loob ng opisina. Lalo pag ndi naman taga-call center mga kasama ko. Ang jologs kase ng dating eh! Unless, of course, mukang natural sayo ang pag-i-english. Pero pag-effort na effort, nakakasakit ng ulo!

Banat tuloy nung driver nung suklian sya:

"eto yung CHANGE nung WEN-TEW-SEND"!

Pigil na bungisngis tuloy kameng mga sakay! Hahaha.
*** 

Matabang Babae
February 24, 2011

May nagmiscall sa akin kanina na unregistered number, tinext ko:
JOY: Sino to?
TEXTTER: Sino ka rin?
J : Si Joza to.
T : Ung matabang babae?
J : Oo, ako nga! Bubugbugin kita kung sino ka man. Sino ka nga?
T : Ako lang naman ang rason bakit nabubuhay ka sa mundo!

Pakshet, Tatay ko pala yun. Hahaha.
***

Patikim lamang ang mga ito at marami pa siyang mga nakatutuwang obra. 
I have been encouraging her to make her own blog ngunit wala siyang tiwala sa sarili at hindi raw niya kaya. Nakakalungkot... Hindi ko naman siya kayang tutukan ng baril at piliting sumulat...

Kung alam lang niya na sobrang most awaited ko ang kanyang mga Hallmark Moments...

Sana sa mga tugon na makukuha ng post na ito ay magbago ang ihip ng hangin at tuluyan niyang pasukin ang blogsphere.

Ngayon pang may scarcity ng totoo at may sustansyang manunulat...

Do you agree?