Top 10 BFF Qualities

Kung back to scratch ang drama at papipiliin ako ng isang bagong BFF, ang mga qualities na gugustuhin ko ay:

1. Mabilis ang Pick-Up

Mas mabilis ang usapan kung hindi siya slow. Marami pang maaaring ma-cover na conversation at walang hadlang na paulit-ulit na paliwanagan. Mahirap kung ang sinasabi mo ay tungkol sa Trinoma habang ang mga responses na nakukuha sa kanya ay pang-Ali Mall. Hindi match!

2. Kaladkarin

Siya'yung kayang bitiwan ang lahat ng ginagawa at hindi tumatanggi sa anumang lakad na nais puntahan. Patunay na bet na bet niya ang mga trip mo at willing siyang sakyan ang kahit anong gimik na hilig mo. Compatible lang!

3. Hindi Pabigat at Buraot

Nakakairita na minsan ay more invite ka sa isang tropa at sasabihin agad na, "Treat mo?" o kaya ay, "Naku, wala akong pera, libre mo 'ko ha?"

Hindi namang kailangang mayaman at okay lang din namang magpalibre pero 'pag everytime na lang, ano 'to? Gamitan? Firends with benefits? 'Wag ganun!

4. Average Looking

'Pag masyadong perfect ang looks, nakakasapaw at 'pag masyado namang hindi biniyayaan ng hitsura, mukhang alalay. Hindi naman sa discriminating ako pero mas magaan sa loob 'pag presentable ang kasama. 

5. Single

Since wala akong balak mag-asawa, mas okay kung ang aking partner in crime/bestest friend ay isa ring single at galit sa buhay engaged. Just like me, dapat siya ay hindi relationship material dahil nakakapagod lang at magastos ang attached plus the fact na nakakairita lang ang makinig sa mga relationsip problems.

6. Karakter na Mapanlait

Dapat hindi lang siya sunod-sunuran sa akin at hindi lang din sakay ng sakay sa kung ano ang gusto ko. Ayaw ko rin ng boring at oo lang ng oo lagi sa lahat ng sasabihin ko. Ang kailangan ay interactive at kaya niyang mag-assert ng sariling opinyon. Isang taong kaya rin akong laitin at pahiyain para quits lang. Ayoko ng nagpapakawawa especially sa akin. So dapat sabay kaming nanlalait sa iba. 'Yung hindi pa-righteous!

7. Hindi Clingy

Kaibigan ang gusto ko at hindi asawa so dapat hindi lagi buntot ng buntot. 

Get a life! Dapat marunong makiramdam kung kailan siya kailangan at kung kailan e-exit sa picture at magpalamig lang muna sa ibang lugar. I hate bonggang attachment so dapat may space once in a while at hindi lang sa friendship namin iikot ang buhay niya. Ganun din ako so dapat ganun din siya. Pantay lang!

8. Walang Masyadong Drama sa Katawan

Chill lang dapat at may timing kung kailan pwede mag-emote. Maging sensitive kung willing ba akong makinig o hindi. Test the waters first bago humirit ng mga  lines na pang-MMK. But for sure dapat laging chill, happiness at tawanan lang! Fun fun fun!

9. Matakaw at Gala

Best in food trip ako at lakwatsero so dapat ganun din siya. Pwede rin namang hindi masiba para marami akong makain courtesy of leftovers niya. Ayos 'yon! Pero dapat unstoppable ang pagkahumaling niya sa mga gala dahil hindi ako homebuddy so dapat iba't-ibang lugar ang aming ma-explore together.

10. Inggitero at Pakialamero

Gaya kong hobby ang mainggit sa kung ano ang meron ang iba, dapat ganun din siya. Doon kasi ako kumukuha ng motivation to strive hard and be 'more' as a person. Dapat ganun din siya. Madaling mainggit pero hindi naman masamang tao na gagawa ng bad vices para ma-fulfill ang inggit sa katawan. Hindi ganun. Inggit with moderation and discipline. Ganyan.

Isa pa, dapat pakialamero rin dahil gusto ko ang pinakikialaman ako para ma-challenge din ako kung tama pa ang mga ginagawa ko. Kahit pa sobra siyang makialam, okay lang. Ganun!

Sampu lang naman pala ang nasa aking listahan ng isang Perfect BFF.

Sa palagay ko lang, lahat yata ng aking nabanggit ay hindi taglay ng aking mga friends na nasa paligid ko ngayon... Makapagpalit nga... Joke!

Masaya naman ako sa company nila at half of may life ko na silang kasama.

Magulo lang? Ah, basta...