Mamahaling Peke

Ang post na ito ay galing sa isa na namang all over the place concept...

Malutong at Matatas na Mura!

Nais kong tahasang isulat ang exact bad words - 'wag na lang.

I still want to maintain my wholesome but Iskwater image. 

Arrrggghhhh... Nanggigigil ako! 'Yun lang! 

Galit ako! Another exclamation point!

Bakit? 

Nagkalat ang peke!

PEKE as in Fake. 

Pirated. 

Imitation. 

Hindi Orig.

Mas mainam pa noon dahil maliban sa tila typo errors sa brand names like from Panasonic to Pensonic, Hanes to Hans o Nike's check to its inverted check counterfeit, mas alam mong pinirata dahil sa gaspang o low quality ng pagkakagawa.

Eh ngayon? Undistinguishable na ang difference ng True at False.

Bunga ng hi-tech era on both manufacturing and intellectual aspects, kuhang-kuha ng mga mamemeke kahit ang mga pinakamaliliit na detalye  ng orihinal.

Frequent victims/patrons?

Kaming mga kasapi ng middle class at low class. 

Kaming mga brand conscious.

Kaming ang nais ay makipagsabayan sa kung ano ang meron ang mga taga-village. 

Kaming ang hangad ay maipamukha rin sa iba na keri din ang pagrampa using signature items.

Hindi lang naman limited sa poor customers dahil may mga mapagpatol ding mga totyal na hilig din ang mga peke, kaya lang, kung tunay kang can afford, you go for the originals, tama?

Matitigil ba ang ganitong kalakaran?

Mahihinto ba ang pagkahumaling sa mga mapagkunwaring mamahaling bagay tulad ng sapatos, damit, gadgets, pabango, alahas at kung anu-ano pa?

Sa mga kapwa kong gipit at minsanan lang ang dating ng grasya, more more grab sa kung ano ang mas nakakamura. 'Pag peke, mas mura. Dedma lang muna ang quality at authenticity dahil ang mahalaga, IN ka sa trend. Ito marahil ang mindset ng karamihang may kaadikan sa mga class A products.

Kahit parang may mali. May mali talaga.

Sino ang magtatama at kailan?

'Yun ang nakakainit ng dugo... Palasak sa atin ang ganitong gawi pero wala namang nagbabago. Isa sa mga hopeless cases.

For sure multi-million business ito na pinatatakbo ng mga mayayaman.

Mga mayayamang bumibiktima sa salat na kaisipan ng mga gaya kong madaling masilaw sa agos ng makabaong panahong superficial ang karamihan.

Ngayon pang kaya kang husgahan sa pamamagitan ng kung ano ang iyong kasuotan at sa kung ano ang mga materyal na bagay na mayroon ka.

Ayaw ko ng palalimin pa at may lakad pa with friends.

OA na sila sa tagal. 1 hour late sa usapan? Nakakainit ng ulo.

Eniweis...

We are going to Quiapo for DVD shopping ng mga latest movies.

I heard may blueray DVD copy na ang Les Miserables. I'm excited. 

Makadaan na rin sa Carriedo to check some latest accessories for gadgets.

Alam na...