Tulala at nakangiti pa rin sa tuwing inaalala ang kaganapan noong nakaraang Sabado.
Tulala sa pagka-elibs sa mga blogerong miyembro ng Blog Mo Ipasuot Mo o BMIM.
Nakangiti dahil sa hindi maipaliwanag na kagalakang naihatid sa humigit-kumulang na walumpung kabataan ng Barangay Malugay sa San Martin De Porres, Paranaque.
Kasama sina Glentot ng Wickedmouth at Marge ng Coffeehan, nakiisa kami sa ika-7 sabak ng BMIM.
Matagal ko ng nauulinigan ang pagkahumaling ng ilang bloggero sa isang gawain. Sa ilang kwento at mga nabasang testimonya, napahanga ako sa ubod ng busilak na layunin.
Ganito ang set-up: Makipag-ugnayan sa isang barangay at lipunin ang grupo ng mga kabataan para sa isang programa. May storytelling, palaro, salo-salo, pamamahagi ng mga gamit sa eskwela at higit sa lahat - damitan ang mga bata ng t-shirt kung saan nakalimbag ang URLs ng mga blogs.
Astig, diba?
Hindi mababayarang ngiti mula sa mga bata...
Silang may mga butihing puso...
Ininda ang init at pagod...
Ilang minutong saya nila, may pangmatagalang matamis na alaala...
Matamis na kwento...
Sila rin ay may bidang kwento...
Walang sinayang na oras...
Walang pinalampas na minuto...
Tiyak na hindi ito ang huli...
Hanggang sa muli mga Kakosa!!!
Saludo sa mga bumubuo at sa mga walang sawang sumusuporta sa BMIM!
Asahan niyong laging narito upang tumulong at ikalat ang inyong magandang kwento...
Mabuhay kayo!!!
Isang patunay na hindi natatapos sa blogging ang tunay na pagpapahayag...
Photo Credits:
