Bon Voyage Super Mario of UNPLOG

Minsang nagtagpo at nagkakilala,

Matamis na ngiti, aking nakita;

Mayroong lalim na aking napuna,

Anung nakakubli sa likod ng saya?

KUYA ang tawag sa'yo ng lahat,

Dahil sa MALAKING edad na agwat;

Ngunit sa tindig at hitsurang sapat,

Mga Girls at Beki, ayaw paawat.

Ikaw ang John Lloyd ng PBO,

Sino ang Bea ng puso mo?

Kilala ba namin? 'Wag ng i-sikreto,

Umaasa kasi ang dragong si Deo.

Sa ibang bansa ay magiging dayuhan,

'Wag sanang lumampas ng walong buwan;

'Pag wala ka rito, kami ay kulang,

Bitin ang saya, bitin ang kwentuhan.

We will surely miss our Super Mario!

GOD is to Blame

When I realized that I wasn't born rich that I had to work to finance my studies, 
I did not blame anyone. I blamed You!

When I felt like I was a social outcast for not having this and that,
I did not blame anyone. I blamed You!

When my romantic relationship ended and I felt alone and tormented,
I did not blame anyone. I blamed You!

When I had to set aside my own happiness to support my family,
I did not blame anyone. I blamed You!

When I wanted to achieve something but failed multiple times,
I did not blame anyone. I blamed You!

When my father got sick and we couldn't send him to a decent hospital which caused his passing,
I did not blame anyone. I blamed You!

When I had to keep fighting to survive but deep inside I was weak and dying,
I did not blame anyone. I blamed you!

When I looked back after surpassing all the hardships and still standing strong,
I did not blame anyone. I blamed You!

GOD, now that I surrender everything to you, I will forever be blaming you,
Because every time I do, You never fail to provide answers...



This is my official entry to Joy's Letter To God Contest

TOP 10 Great Sources of Sadness

Swak sa sakto ang happiness na mayroon ako sa mga oras na ito. The challenge now is how to sustain this supercalifragilisticexpialidocious feeling. Napagtanto ko lang kasi na nakakalungkot ang pagiging malungkot. Redundant. Nakakatanda. 

Kaya naman nais kong i-spread ang spirit of happiness sa paraang nais ko - sa paglilista. Let me list down the genuine sources of sadness which may lead to depression at 'pag hindi naagapan, malamang na mauwi sa suicide. 

Oh yes! About sadness ang bet kong talakayin dahil boring ang paghimay sa mga dahilan ng wagas na kaligayahan.

Ilan sa mga sources of sadness ay ang mga sumusunod:

1. Walang Pera

Dahil sa masidhing pagnanais na magkaroon ng uber exciting na kaganapan sa buhay, frustrating 'pag walang atik, bread, kuwarta, salapi o kahit ano pang tawag d'yan. Anlakas lang maka-limitado ng kilos 'pag walang pera. Depressing! Walang budget for gadgets, gimmicks, pangkain sa labas, walang pamasahe for travel at walang pambili ng funny but fake friends including lovelife (oh yes, nabibili na rin nowadays). Kaya naman mawala na ang lahat, 'wag lang ang pera dahil dito umiikot ang mundo. Agree? Sa mga hindi naniniwala, it's either forever walang pangarap na hampaslupa o sobra ang yaman na kahit kailan ay never naghikaos. Saan ka?

2. Walang Ganda

Nakaka-umay dahil sa araw-araw na ginawa ng juice ay parehong hilatsa ng sinumpang pagmumukha ang nasisilayan sa salamin. Kahit pa anong effort, hindi kayang taglayin ang gandang hindi inakala. Isa lang ang solusyon, ACCEPTANCE! Tanggapin ang katotohanang kahit pa anung pagpapakabuti ay hindi maba-balance ang equation. Tunay na salat sa looks? Okay lang 'yan. Labas-labas din ng bahay para ma-realize na mas angat pa rin sa iba. Laging tandaang no matter what, mahal ka ng ina mo! 

3. Walang Lovelife

Sawang-sawa at pagod na pagod ka na bang mag-isa? 'Yung tipong nagigising sa madaling araw at more more walling with matching silent hagulgol dahil walang pumupuno sa pusong nangungulila? Walang kayakap sa taglamig. Walang kahabulan sa beach every summer. Ang sad noh? Ask yourself for the last time, "Do I deserve this?" If YES ang sagot, tanggapin hanggang maaga at simulan ang pag-aalaga ng aso para may kaagapay sa pagtanda. 

4. Walang 'Move-On'

Connected ito sa previous item. Kaya naman pala single, hindi malampas-lampasan ang katotohanang minsang nagmahal at nabigo. Naloko, napagtaksilan, iniwan o nadenggoy man, pleeeaaassseeee, MOVE ON! You’ll never be happy if you'll keep on chasing the ghost of your past! If you really can't move on, mag-drugs ka na rin at sirain mo na ang buhay mo ng tuluyan. OR... Gising-gising din para masaya!

5. Walang Sexlife

RATED SPG. Everytime I get to meet people who easily lose their temper, isa lang ang nasa isip ko - malungkot sila. They need to get laid. No further explanation.

6. Walang Family

Irreplaceable ang tender loving care from the family. Unconditional. Kahit gaano kadumi dahil sa putik na mula sa pagkakadapa, laging handa at abot-kamay na mag-aahon ang walang sawang nagmamahal na kamilya. Kung wasak ang relasyon sa Ina, Ama o mga kapatid, saan man makarating - for sure, laging may kulang. Kaya naman make sure to always maintain a good and open relationship with the family. 

7. Walang Friends

Well, let's admit it, sense of belongingness is one of human's physiological needs. So if you claim that you don’t need any friends, FINE! Ubod lang siguro ng sama ang ugali mo! Mamamatay kang alone and lonely! Bwahahahaha! 

Hmmmnnn… If you think you don’t have friends, look around and surely you’ll find people who can truly take you for who you are. Kahit may saltik ka, may makakasundo ka rin n'yan. Believe me!

8. Walang Bago

HOY! Laging kasama sa wish list mo ang magkaroon ng mga bagong kaganapan sa buhay pero wala ka naman ginagawang iba. Kung satisfied na sa comfort zone, try to do something different and be amazed on how happier you could still get. Wala kang karapatang magsawa sa paikot-ikot na routine ng buhay kung hindi naman sinusubukan ang mag-take ng risks paminsan-minsan. Remember, life is too short so don’t make it too long waiting for the rain to fall or for the sun to shine. Kuha mo? Nalito din ako.

9. Walang Alam

Nakaka-inggit ang mga taong may kakulangan sa mga sobrang basic na kaalaman. Para sa kanila, magaan ang buhay at walang worries. Nakaka-inggit sila pero hindi dapat tularan. Malungkot ang buhay-tanga.  I’ve been there. Seriously. Somebody or I think something woke me up.  Hindi masaya ang kamangmangan plus most of the time, nakakabanas. I don’t want to explain further kasi gets naman for sure ng mga people with average to above average IQ level. Gets mo?

10. Walang Faith kay Papa G

You will never be empty kung healthy and always intact ang spiritual aspect ng iyong pagkatao. I am not saying that atheists can’t be happy pero ang sa akin lang, iba ang decision making skills at intrapersonal intelligence ng mga taong may matibay na kapit sa Itaas. Super sandamakmak man ang wala pero kung may super strong na pananampalataya, alive ang pag-asang darating din ang matagal ng inaasam na kung anuman. Just believe! 

Ikaw? Malungkot ka ba? Why?

Anything you'd like to add?  

My Birthday Pakontes: The Announcement

The results are in!!!

Maraming salamat sa aking idolong si Glentot of Wickedmouth sa walang palag na pagtanggap upang maging natatanging Hurado sa aking Birthday Pakontes na nilahukan ng 44 entries from all over the world of blogging. 

Maraming salamat sa 3 Major Sponsors na kailan lang nila nalamang sila ay kailangang magpaluwal ng munting halaga upang masakyan ang trip kong maging masaya through bringing out the hungry poets in you.

Maraming salamat sa mga pumatol at nagpaka-makata. Sobrang super appreciated ng inyong lingkod ang effort. Kahit ang ilan ay lubos na panlalait sa aking pagkatao, natuwa pa rin ako dahil sa huli, hindi naman kayo nanalo! Ang lagay ba eh may pabuya ang panlalaglag kay Senyor Iskwater? Tandaan: Babalikan ko kayo! *halakhak ni hudas*

But wait, let me explain and be defensive for the last time! Upang maiwasan ang biases or just to be fair, during the judging, walang alam ang ating hurado sa kung sino ang may-akda ng bawat entry. I only sent him the list and hid the comments on the previous post where all entries are written. Basta, ganun! Ni kahit ga-patak na impluwensiya from me - wala talaga. Promise!

Kung ramdam mong ikaw ay dapat na nasa mas mataas na puwesto sa patimpalak na ito o 'di kaya'y dapat ay nanalo, isang tao lang ang dapat resbakan. Si Master Glentot lang!
Ayon sa kanya, siya ay may naging batayan sa pagpili ng mga nagwagi. Ilan ay ang mga sumusunod:

1. Patungkol kay Senyor Iskwater.
2. Isang saknong o apat na taludtod.
3. Nakakatawag ng atensyon at may kakaibang dating.
4. Must capture the essence of Senyor Iskwater and his blog in just four lines.
5. May mga poems na OK sana pero hindi ko napili dahil:

• Not a poem in itself, more like a stanza in a poem, so it sounds unfinished.
• Attempts at humor na hindi nag-work.
• Wrong spelling!
• Started out na may pattern at rhyme tapos biglang nawala, it sounded awkward kapag binasa.
• 'Yung iba sadyang pang-Linggo ng Wika ang dating. Boring!
• Ang mga napili ko ay kahit 4 lines lang, it's a complete poem in itself.

Drum Roll na!!!

Narito ang mga nanalo sa raffle(J/K):

10th Place - Daddy Jay of About Jay's Journey

 Lagi mong ibinibida na ika’y Senyor na sa iskwater nagmula nakilala naman kita na may pusong mamon man ngunit dakila;
Minsan kong napagtanto kung ikaw nga ba'y talagang dukha ngunit ang mga salita mo nama’y sadyang ubod ng talinghaga;
Mapagpanggap man na sabihin mong di ka kagalingan, nangingibabaw ka naman sa tuwing may bangkaan ng kwentuhan;
Oo nga't ika'y naturingang galing sa medyo mabahong looban 'singbango naman ng sampaguita tuwing bubuga ka ng katwiran.

***

9th Place - Mar of UNPLOG

Sa bulwagan ng White Cross aking nabungaran, Taglay ang kadaldalan at kanyang katabilan.
Laging bangka sa kwentuhan sa kahit anong umpukan, dulot ay saya magsara man ang tindahan.
Ngunit paglipas ng araw at kabilugan ng buwan, higit na nakilala ang taglay nyang katauhan.
Kaingayan ba ay kababawan? Aking katanungan, Dahil laking iskwater man, may angas ng kalaliman, pananaw nya at kaisipan!

***

8th Place - Blindpen of Kwentista Blog

Noong naglakwatsa sa blogosperyo ako'y napapindot at mayroong lugar na natuklasan
May bahid ng duming paraiso, makalat na paradiso, lugar na tinawag din nilang looban
Lugar kung saan nangangamoy ang katotohanan at kalat lamang ang kaplastikan
Lugar na pinapanatili ng may malusog na isip kong kaibigan, Senyor Iskwater ang pangalan.

***

7th Place - Bagotilyo of Bagotilyoako

Sa likod ng iyong matatamis na ngiti ako’y may nakikita
Isang taong may sense , malalim, at marunong magpahalaga
Magaling kang makata pero alam mo bang ako’y mas humahanga
Sa buhay mong maituturing higit pa sa isang magandang akda

***

6th Place - Joanne of Joanne's Blog

Akala ko'y lalaki nung una pero nang makita, ikaw pala'y si SenyorA
Iskwater daw pero sa jeep ni ayaw makipagsiksikan.. hmp, echosera!
Grammar nazi, fashion critic at pati cup size ko'y pinuna.. hay, attitudera!
Pero deadma lang dahil love kita at sense of humor mo ay bumabandera!

***

5th Place - Essayni of Babae Pala Si Satanas

Halika, magtampisaw tayo sa isa't isa
Sanayin ang mga sarili kung saan tayo bihasa
Magpatianod sa kanal ng ating mga ideya
Halina't ipasyal mo ako sa iyong eskinita.

Judge's Remark: Descriptive kahit hindi ginamit ang salitang “iskwater”.

***

4th Place - Mishel of MISHELANDIA

Kahit sa patpat na kawayan sa'yo ay bibigay.
At para bang laging naghahamon ng away;
Lubos kang maningning, sa talinong taglay.
Walang humpay na tuwa, sa amin ay binibigay.

Judge's Remark: Simple truths summed up in four lines.

Dahil sa labis na pagkagalak, magkakamit ng Starbucks GC ang mga nasa ikaapat hanggang ikasampung puwesto. Simulan niyo na ang paghagilap sa 'kin. Game!

Mas Malakas na Drum Roll!!!
Congratulations sa ating mga Major, Major Winners!!!

Prize - Cupcakes + Starbucks GC Courtesy of Arline of The Pinkline

Prize - Sosyal na Book + Starbucks GC from Kebler of SunnyToast

Prize - Php 1000 + Starbucks GC from Arvin of Chateau de Archiviner

Dito natatapos ang aking pakulo. Kitakits muli sa susunod na taon o sa susunod pang pakontes dito sa aking tambayan.

Mangyari po lamang na maghintay sa aking pakikipag-ugnayan sa mga nagwagi upang makuha ang inyong premyo. Ok?

Ang Iskwater at ang Kwentista

Ang simula ng buwan ay tila isang bisyo na sa aking masikip na eskinita upang magbigay pugay sa isang hinahangaang personalidad na taga-labasan. Isang kapwa blogero. 

Mula sa hanay nina Glentot of Wickedmouth, Archieviner of Chateau de Archieviner, Pao Kun of To infinity and beyond! Pangkalawakan! at Lili of Thinking Out Loud, ikinararangal kong ipakilala...

   

Blindpen of Kwentista Blog

Mataas ang respeto at paghanga ko sa malikot at may saysay na kaisipan niya. Lubos ang aking pagkamangha na sa kabila ng kanyang murang edad ay may kakayahan siyang maglahad at humabi ng mga kwentong may lalim at tunay na may pinanghuhugutan. Isang talentong hindi angkin ng lahat ng mga makabagong blogero.

Halina at mas kilalanin natin siya... 

Full Name: Aldrin Cuevas Espiritu

Age: 21

Sex: Lalaki

Location: Muntinlupa, Rizal, Pilipinas

Civil Status: Single

FB E-mail Address: aldrinespiritu29@gmail.com

Twitter Account: @acedrinn

Kumusta ka naman?

Ayos lang. Ito naghihintay lang ng trabaho haha. Joke, April ko talaga balak mag-apply so busy month ahead sa akin, kapag nasimulan ko kasi 'yan wala talagang tigil hanggang may trabaho na akong makuha.

Ano ang una mong reaksyon when you were offered to be interviewed?

Una, na-eksayt ako. Tapos biglang napaisip, marami nga palang readers si Senyor, karapat-dapat ba talaga ako sa interview niya?

Why Blindpen?

Malayang pagsusulat. 'Yung totoo hindi bastang naging lightbulb 'yon sa ulo ko, nung nag-iisip kasi ako ng gagamiting username sa isang forum site kung saan pwedeng sumulat ng mga maikling kwento, napatingin ako sa nakatambak sa sulok na skateboard ko, ang tatak ng skateboard deck ay Blind. Ganun, sinama ko na yung Pen dahil sa hilig kong magkalat sa pagsusulat.

What’s with the blog name, “Kwentista Blog”?

Dati kasi pinakakorning title ever known to blogging 'yung gamit kong blog name "magbasa muna tayo". Naisip ko dahil hindi naman ako nakakakuha ng hits eh wala naman talaga akong readers, parang nagkukwento lang ako sa kawalan. Sabi ko, ok lang yan, gagawin ko na lang ang hilig kong gumawa ng mga maikling kwento kahit pa wala namang may pakialam, magkukwento ako ng magkukwento sa blog ko. Blog ko, tinawag kong Kwentista Blog.

When did you start blogging?

2011. 'Yung kakilala ko kasing sumusulat din sa isang forum site, nabasa ko yung entry n'ya sa Saranggola Blog Awards, sabi ko, galing mo talaga idol! Sabi niya subukan ko rin daw, bukas naman para sa lahat ng mahilig sumulat ang timpalak. Nauto ako kaya gumawa nga ako ng blog, dun ko nalamang next year pa pala ang sunod na contest kaya pinagpatuloy ko na lang ang blogging, dito na ako sumusulat.

Sino o ano ang nag-inspire sa’yo to do blogging?

Marami na eh, mga bloggers din. Sa lawak ng blogosperyo may makikilala ka talagang magagaling tulad ni RED, Panjo,Amphie at madami pa. Mga simpleng nagsusulat lang dahil 'yon ang hilig nila, hindi para makakilala ng maraming kaibigan at sumikat. Mga idolo ko at tinitingala.

Ano ang iyong most favorite post so far? Why?

Kung post ko, 'yung "Saan Tayo Papunta". Nagawa ko kasi ng saglit lang pero andami-dami kong nasabi at nailarawan sa kwento. 'Yung ganong mood ng pagsulat at kakaibang ideya, hindi ko alam kung hahawa pa ulit sa 'kin haha. Sa post naman ng ibang blogger 'yung "Sa Wakas" na sinulat ni Panjo sa www.tuyongtintangbolpen.com. Ang galing kasi tagung-tago 'yung kwento, dun palang ako nahuli talaga ng ending, kasi 'pag nagbabasa ako hinahanapan ko ng butas, 'yun bang clue para sa magiging twist.

What are the challenges bilang isang bagitong blogger?

Para sa akin ang challenge is 'yung sasabawin ka at tatamarin. Nagsisimula pa lang, tamarin na? Hindi pa nga ako naka-100 posts. Kapag puro literary outputs talaga ang entry na ginagawa, walang random, walang etc. etc., walang repost, at walang kung anu-ano eh sasabawin ka talaga. Binigyan ko ng challenge ang sarili ko, quota system, 5 entries/month haha. Hindi na masama.

What direction ang nais mong patunguhan bilang blogger? Niche ba.

Parehas lang kung ano ngayon. Nakakapagshare at nakakasali.'Yun na ako.

Who are your Top 3 favorite bloggers? Why?

RED (http://angatingpagitan.blogspot) - hanga ako sa style niya ng pagsulat. Kakaiba at napabilib ako sa una kong basa.

Panjo (http://tuyongtintangbolpen.com) - anlawak kasi ng pananaw niya sa buhay at mga  bagay-bagay

Lahat po 'yan ay kanilang mga kakayahan na gabi't araw kong hinihiling na sana'y meron din ako.

What is your most unforgettable moment as a blogger?

'Yung finally merong nakaisip magbasa sa aking blog, tapos bumalik-balik pa ah haha. 'Yun 'yung nagkakilala kami ni Sir JonDmur sa blogging. Salamat, salamat kaibigan!

Kung may babaguhin kasa iyong blog, ano o anu-ano?

Aww wala akong maisip na pwedeng baguhin. 'Yung ads nalang, choosy na kasi ang nuffnang, lalabas lang ang ads kung -2k hits/day ka na. Baka lolo na ko, hindi pa lumitaw ang ads d'yan.

Ano ang iyong mga preparations prior to publishing an entry?

Karaniwan eh nagdadrafts ako ng mga title na pumapasok lang sa isipan, pwede ring narinig sa kanta o sa TV. 'Pag may oras na, pwede na akong mamili sa kanila kung ano ang gagawan ng kwento o tula. Kaya halos lahat ng entries ko, hindi mawari kung saang lupain hinugot ang title.

For you, paano mo masasabing ang isang post ay worth reading?

Para sa 'kin hindi ko agad masasabi eh. Kailangan ko munang basahin ang isang post at sa huli na itanong sa sarili kung worth reading ba? Para sa akin 'yung worth reading eh yung nag-reflect ang author sa post kahit pa random post lang 'yan. Kapag kung anu-ano lang ang sinasabi na wala namang kinalaman para mas makilala pa natin siya at ang pagkatao niya, ayun 'yung hindi worth reading (para sa akin lang po ah).

Ikaw ba ay nag-skip read na? ‘Yung totoo!

Hindi. 'Pag nasimulan na, tuloy lang, pero kapag talagang naabala at naputol ang pagbabasa, hindi na 'ko mag-i-skip, hindi na lang tatapusin at hindi na lang ako mag-co-comment.

Anung comment and hindi mo malilimutan?

'Yung mga comments ni Sir JonDmur sa SBA2012 entry ko. Kailangang kailangan ko kasi ang lahat ng luck na pwedeng maibigay sa akin. Pinuntahan niya lahat at ginudlak ako.

Sino ang pinaka-favorite mong commentator?

Si Richard este Rixophernic. Intindi niya kasi ang pagiging sabaw ko at nand'yan siya 'pag meron akong bagong kinalat.

What do you hate most about blogging?

Wala naman. Ang ayaw ko lang siguro sa blogging eh hindi ko ito magawa using mobile. Kung dun ko man sinulat sa mobile, i-po-post ko pa 'rin gamit ang computer. Eh, wala po kasi akong sariling laptop o PC hehe. Kaya nga po hindi ako makapag-comment ngayon sa mga katha ninyo.

Gaano mo katagal nakikita ang iyon gsarili sa mundo ng blogging?

Hangga't may pwedeng i-kwento nandito po ako.

What will make you quit blogging?

Ang madamot sa time na lablayf yata. Haha joke. Wala siguro. Kung mapapatigil man ako ibig sabihin, it's a matter of life and death na ang kinakaharap ko. (Ganun talaga?) haha

How do you want to be remembered as a blogger?

'Yung blogger na imbes na i-post ang piktyur niya at dumaldal tungkol sa experiences niya sa zipline, sa hiking, sa pamamalengke at kung gaano kaganda ang gerlprend ay gagawa na lamang ng isang maikling kwento, tula o 'di kaya'y sanaysay na sumasalamin din sa mga karanasan sa buhay. Ganon lang, remember me as a kwentista.

Mensahe sa iyong mga mambabasa at sa mga prospective readers na rin.

Salamat po sa pagbabasa ng mga naikalat ko. Doon lang eh masaya na po ako. Madamot ang panahon at oras, pasensya na kung hindi ko mabisita ang mga tahanan ninyo. Sana po eh 'wag ninyo pong isipin na ginagawa ko ang lahat ng ito para makilala o anumang tulad non, ako naman IRL (in real life) eh 1 of many lang din. Ginagawa lang po ang hilig at sinusubukang makipagsabayan.

Ano ang iyong sariling definition ng Iskwater?

'Yan po 'yung lugar na makalat, madumi, magulo, at nanganganib malagas sa kapangyarihan lamang ng isang palitong posporo. Pero para sa ilan ito ay paradiso, dito matatanaw mo ang buhay bilang easy lang, diskarte ang kailangan, at lahat ng nandoon ay kayang makipagsabayan sa anumang hamon sa buhay.

Iskwater ka ba? Bakit? Why not?

Oo naman! Proud to be taga-looban. Isa rin sa mga batang naglandi ng lupa, batang ginagabi sa videohan. Hanggang sa ngayon hindi pa natapalan ang butas sa bubungan haha :)

Fast Talk… Quicky Lang... Last na! (pick 1 at walang paliwanag...'wag makulit!)

Kapamilya o Kapuso? - Kapuso

Jollibee o McDo? - McDo

Boxers or Brief? Brief

Lights On o Lights Off?  Lights Off

Nora o Vilma? Vilma

Kiray or Mahal? Kiray

Hinaharap o Behind? Behind

MagandangTanga o Matalinong Ugly? Magandang Tanga

Younger or Older? Younger

Payat o Mataba? Mataba

Smoke or Drink? Smoke

Sex w/o Kiss or Kiss w/o Sex?  Kiss w/o Sex

Mabilisan or Take your Time?  Take Your Time

To Eat or To Be Eaten? To Eat

Madam Auring o AlingDionisia? Madam Auring

Maikli o Mahaba? Mahaba

Final Message?

Maraming salamat ulit kaibigan at nabigyan ako ng pagkakataong masagot ang mga tanong na ito at mailathala sa blog mo. Apir!

***

Sa aming maikling kwentuhan ay nasalamin ang pagbuo ng isang matibay na relasyon - pagkakaibigan (hoping lang?). Tulad niya, kaisa ako sa pagnanais na bumuo ng isang pook-sapot na tambayan upang magkalat ng ilang kaisipang matagal ng nananahan sa kaibuturan. Wow, heavy noh? 

Please have time to visit his blog!!!

You will certainly enjoy... Click the link below... Now na!

>>>>> Kwentista Blog <<<<<

"Hindi ka pwedeng mabuhay sa takot. Hindi ka pwedeng umasa na lang kung saan ka tatangayin ng pamumuhay. Sabi nga nila, mananatiling buhay lang ang takot sa dibdib kung hindi mo sisimulang sumubok. Ganon din para sa akin sa pagsusulat at pamumuhay, wala kang dapat ikatakot, ikahiya, at ikabahala. Ang karanasan ang uukit at patuloy na maga-angat sa 'yong katauhan." - Blindpen