READ MY LIPS

You and your great hygiene could run an excellent gene.

You and your gift of gab could make peace with an angry mob.

You and your genuine sweetness could turn all sadness to happiness.

You and your unending generosity could bring miracles to reality.

You and your superb sanity could save the world of uncertainty.

You and your righteous wisdom could create a powerful kingdom.

You and your blessed soul could stop the bad from their evil goal.

You and your incomparable intellect could do nothing less than perfect.

You and your untarnished name could raise the ante in any game.

Do the Math. Ikaw na!

MANA NI BUNSO

Ang tapang mo Ama’y kanlungan ko’t lakas,
Handa ‘kong harapin ang hamon ng bukas;
Hagupit man ng unos ang sa aki’y iparanas,
Baon ay prinsipyong sa angkan ay likas.

Ang kalinga mo Ina ang sa aki’y nagturo,
Mahalin ang kapwa, gamitin ang puso;
Ang angking pagkatao, ngayon ay buo,
Malawak na unawa, nakaukit sa dugo.

Ang bisig mo Kuya ang naging kapitan,
Saan man tumungo, anuman ang daan;
Ibinihagi mong aral mula sa karanasan,
Nakasilid sa isip at palagi nang tangan.

Ang hagod mo Ate ang siyang nagpadali,
Mga bigat sa dibdib, ikaw ang nagpawi; 
Ngiti’t pasasalamat na ‘di kayang ikubli,
Ginintuan mong asal, nakatanim sa lahi.

Ako si Bunso, huli man sa henerasyon,
Ikarangal ang tahanan ang alay ko’t misyon;
Sa aking mamanahing bukas at ngayon,
Taas-noo sa yaman – malinis na reputasyon.

Ito ang aking opisyal na lahok sa Saranggola Blog Awards 5.

Saranggola Blog Awards

DMCI

Distancia Amigo

Paano papatawarin kung walang paumanhin?
Nasaktan ngunit handang lumimot, paano sasabihin?
Wala ni isang paliwanag ang kayang iparating,
Sapat na kayang talikdan at ang lahat ay limutin?

Mga maling nagawa, dapat pa bang itama?
Hindi pa ba sapat, mga sugat na nakuha?
Hinilom ng panahon ang distansyang napala,
Ngayon, tanong ko - ikaw na ba ay handa?

Mawala man ako, tuloy ang buhay mo,
Mag-isa man hanggang bukas, iikot pa rin ang mundo;
Sa mga aberya at naihatid na gulo,
Ayaw na bang ayusin? Ito na ba ang dulo?

Marahil ay nagsawa at ikaw ay napagod,
Sa tulad kong timawa at ubod ng hambog;
Hayaan man kitang lumayo at tumalikod,
Ako'y hanggang sa huli - naglulumuhod.

'Pag May Panahon

Kailan makakamtan ang maalindog na katawan?
Kailan matitigil, katamaran at katakawan?
Hangga't walang sakit na nararamdaman,
Wagas na kapabayaan, 'wag sanang pagsisihan.

Sa yosi at alak ay ayaw papigil,
Mga maling gawi kailan ititigil?
Tadhana ay handang gumanti't maningil,
Hihintayin pa bang buhay ay makitil?


Lakad-lakad, galaw-galaw - matutong mag-ehersisyo,
Masustansyang pagkain, maging bagong bisyo;
Itakwil lahat ng bawal, ituwid ang huwisyo,
Lumayo sa panganib, lumayo sa perwisyo.

Kung ano ka bukas ay sariling desisyon,
Hindi isang sugal ang pagkakataon;
Kalusugan mo'y ingatan, simulan na ngayon!
Gising-gising din, 'pag may panahon.

SHUT UP AND BURN

"Opisyal na lahok ko sa "Nakaapat na si Iyakhin, Pumayat ka na ba?"

SAKTO LANG

Manhid ka. 
Walang pakiramdam. 
Hindi masaya. 
Hindi malungkot.

Kung ano ka ngayon ay sarili mong pagpapasya.
Pagpapasyang maaring maging pabago-bago depende sa lagay ng panahon.

Natuto kang mag-isa.
Natuto kang lumaban at tumayo mag-isa.
Sa gitna ng mga panghuhusga, wala kang kinapitan.
Hindi ka naghanap ng kakampi.

Alam mo ang pakiramdam na minsang talikdan ng sarili mong bayag.
Alam mo ang pakiramdam na pati ang sarili ay pagdudahan.
Minsan ay walang natirang lakas dahil inubos lahat ng luha.
Ikaw rin ang sumagot sa iyong tanong - kaya mo dahil kinaya mo at kakayanin mo!

Kung ano ka ngayon ay sarili mong pagpapasya.
Kung nasaan ka man ngayon ay dahil may kahapong ayaw mong balikan.
Napagod ka ng yumuko at natutong nakatingala kahit sa mapanghamong sikat ng araw.

Hindi ka na nahihiyang magdala ng payong.
Sa muling pagdating ng ulan - handa ka na!

Oo, manhid ka dahil pagod ka ng masaktan.
Mali silang isiping wala kang pakiramdam. 
Isang malaking akala ang sabihing hindi ka masaya. 
Desisyon mo ang hindi maging malungkot.

Tulad nila, ikaw ay ikaw dahil may pinagdaanan ka.

Perpekto? Hindi. 
Mas piniling mabuhay ng sakto lang.