Dahil sa labis at dalas na nararanasang pag-ulan, ang inyong lingkod ay nagpasyang lisanin ang eskinitang kinatitirikan ngayon ng aking barong-barong.
Ngayon na ang tamang panahon at sa tingin ko ay handa na akong sagupain ang masalimuot na pamumuhay sa siyudad ng Makati. Oras na upang isilid sa kahapon ang mga alaala pati na ang mga taong nakilala sa Pasig. Baon ko ang napakabigat na dalawang basyo ng lumang gulong patungo sa panibagong looban.
Simple lang at walang paligoy-ligoy, ako ay humihingi ng tulong sa mga mambabasa kong higit na yata sa siyam. Maaari sana'y ipagbigay-alam sa akin kung kayo ay may alam na paupahan sa Makati. Kahit studio type. Hindi naman ako pihikan basta sana ay swak sa budget.
Ang ilan sa mga requirements ko ay ang mga susmusunod:
- May signal ang Globe, Smart at Sun
- May sariling palikuran
- Dapat may shower (nakakapagod na ang de tabo)
- Hindi kupal ang Landlord/Landlady
- May malapit na 7-11 or MiniStop
- May yummy na neighbor (at least 3)
- May malapit na Laundry Shop, Carinderia o Fast Food at simbahan
- Walking distance o 1 ride papuntang Ayala
- Hindi madalas ang Riot (acceptable ang at least 2 a month)
- May adjacent na Basketball Court (hmmnnn...)
Wattcha w8ng 4??? Refer na kung may alam ka! Go!
Tatanawin kong isang malaking utang na loob!
